שניים מקרא ואחד תרגום — נוסח אשכנז

פרשת האזינו

לב,א הַֽאֲזִ֥ינוּ הַשָּׁמַ֖יִם וַֽאֲדַבֵּ֑רָה ס וְתִשְׁמַ֥ע הָאָ֖רֶץ אִמְרֵי־פִֽי׃ הַֽאֲזִ֥ינוּ הַשָּׁמַ֖יִם וַֽאֲדַבֵּ֑רָה וְתִשְׁמַ֥ע הָאָ֖רֶץ אִמְרֵי־פִֽי׃

אַצִּיתוּ שְׁמַיָּא. וַאֲמַלֵּיל, וְתִשְׁמַע אַרְעָא. מֵימְרֵי פֻּמִּי:

לב,ב יַֽעֲרֹ֤ף כַּמָּטָר֙ לִקְחִ֔י ס תִּזַּ֥ל כַּטַּ֖ל אִמְרָתִ֑י כִּשְׂעִירִ֣ם עֲלֵי־דֶ֔שֶׁא ס וְכִרְבִיבִ֖ים עֲלֵי־עֵֽשֶׂב׃ יַֽעֲרֹ֤ף כַּמָּטָר֙ לִקְחִ֔י תִּזַּ֥ל כַּטַּ֖ל אִמְרָתִ֑י כִּשְׂעִירִ֣ם עֲלֵי־דֶ֔שֶׁא וְכִרְבִיבִ֖ים עֲלֵי־עֵֽשֶׂב׃

יִבְסַם כְּמִטְרָא אֻלְפָנִי. יִתְקַבַּל כְּטַלָּא מֵימְרִי. כְּרוּחֵי מִטְרָא דְּנָשְׁבִין עַל דִּתְאָה. וְכִרְסִיסֵי מַלְקוֹשָׁא דְּעַל עִסְבָּא:

לב,ג כִּ֛י שֵׁ֥ם יְהוָ֖ה אֶקְרָ֑א ס הָב֥וּ גֹ֖דֶל לֵֽאלֹהֵֽינוּ׃ כִּ֛י שֵׁ֥ם יְהוָ֖ה אֶקְרָ֑א הָב֥וּ גֹ֖דֶל לֵֽאלֹהֵֽינוּ׃

אֲרֵי בִּשְׁמָא דַּייָ. אֲנָא מְצַלֵּי,  הַבוּ רְבוּתָא. קֳדָם אֱלָהַנָא:

לב,ד הַצּוּר֙ תָּמִ֣ים פָּֽעֳל֔וֹ ס כִּ֥י כָל־דְּרָכָ֖יו מִשְׁפָּ֑ט אֵ֤ל אֱמוּנָה֙ וְאֵ֣ין עָ֔וֶל ס צַדִּ֥יק וְיָשָׁ֖ר הֽוּא׃ הַצּוּר֙ תָּמִ֣ים פָּֽעֳל֔וֹ כִּ֥י כָל־דְּרָכָ֖יו מִשְׁפָּ֑ט אֵ֤ל אֱמוּנָה֙ וְאֵ֣ין עָ֔וֶל צַדִּ֥יק וְיָשָׁ֖ר הֽוּא׃

תַּקִּיפָא דְּשָׁלְמִין עוֹבָדוֹהִי. אֲרֵי כָּל אוֹרְחָתֵיהּ דִּינָא,  אֱלָהָא מְהֵימְנָא דְּמִן קֳדָמוֹהִי עַוְלָא לָא נָפֵיק. מִן קֳדָם דְּזַכַּאי וְקַשִּׁיט הוּא:

לב,ה שִׁחֵ֥ת ל֛וֹ לֹ֖א בָּנָ֣יו מוּמָ֑ם ס דּ֥וֹר עִקֵּ֖שׁ וּפְתַלְתֹּֽל׃ שִׁחֵ֥ת ל֛וֹ לֹ֖א בָּנָ֣יו מוּמָ֑ם דּ֥וֹר עִקֵּ֖שׁ וּפְתַלְתֹּֽל׃

חַבִּילוּ לְהוֹן לָא לֵיהּ. בְּנַיָּא דִּפְלַחוּ לְטָעֲוָתָא,  דָּרָא דְּאַשְׁנִי עוֹבָדוֹהִי. וְאִשְׁתַּנַּיוּ:

לב,ו הַ לְיְהוָה֙ תִּגְמְלוּ־זֹ֔את ס עַ֥ם נָבָ֖ל וְלֹ֣א חָכָ֑ם הֲלוֹא־הוּא֙ אָבִ֣יךָ קָּנֶ֔ךָ ס ה֥וּא עָֽשְׂךָ֖ וַֽיְכֹנְנֶֽךָ׃ הַ לְיְהוָה֙ תִּגְמְלוּ־זֹ֔את עַ֥ם נָבָ֖ל וְלֹ֣א חָכָ֑ם הֲלוֹא־הוּא֙ אָבִ֣יךָ קָּנֶ֔ךָ ה֥וּא עָֽשְׂךָ֖ וַֽיְכֹנְנֶֽךָ׃

הָא קֳדָם יְיָ. אַתּוּן גָּמְלִין דָּא עַמָּא דְּקַבִּילוּ אוֹרָיְתָא. וְלָא חֲכִימוּ,  הֲלָא הוּא אֲבוּךְ אַתְּ דִּילֵיהּ. הוּא עָבְדָךְ וְאַתְקְנָךְ:

שני

לב,ז זְכֹר֙ יְמ֣וֹת עוֹלָ֔ם בִּ֖ינוּ שְׁנ֣וֹת דֹּר־וָדֹ֑ר ס שְׁאַ֤ל אָבִ֨יךָ֙ וְיַגֵּ֔דְךָ זְקֵנֶ֖יךָ וְיֹ֥אמְרוּ לָֽךְ׃ זְכֹר֙ יְמ֣וֹת עוֹלָ֔ם בִּ֖ינוּ שְׁנ֣וֹת דֹּר־וָדֹ֑ר שְׁאַ֤ל אָבִ֨יךָ֙ וְיַגֵּ֔דְךָ זְקֵנֶ֖יךָ וְיֹ֥אמְרוּ לָֽךְ׃

אִדְּכַר יוֹמִין דְּמִן עָלְמָא. אִסְתַּכַּל בִּשְׁנֵי דָּר וְדָר, שְׁאַל אֲבוּךְ וִיחַוֵּי לָךְ. סָבָךְ וְיֵימְרוּן לָךְ:

לב,ח בְּהַנְחֵ֤ל עֶלְיוֹן֙ גּוֹיִ֔ם ס בְּהַפְרִיד֖וֹ בְּנֵ֣י אָדָ֑ם יַצֵּב֙ גְּבֻלֹ֣ת עַמִּ֔ים ס לְמִסְפַּ֖ר בְּנֵ֥י יִשְׂרָאֵֽל׃ בְּהַנְחֵ֤ל עֶלְיוֹן֙ גּוֹיִ֔ם בְּהַפְרִיד֖וֹ בְּנֵ֣י אָדָ֑ם יַצֵּב֙ גְּבֻלֹ֣ת עַמִּ֔ים לְמִסְפַּ֖ר בְּנֵ֥י יִשְׂרָאֵֽל׃

בְּאַחְסָנָא עִלָּאָה עַמְמַיָּא. בְּפָרָשׁוּתֵיהּ בְּנֵי אֲנָשָׁא, קַיֵּים תְּחוּמֵי עַמְמַיָּא. לְמִנְיַן בְּנֵי יִשְׂרָאֵל:

לב,ט כִּ֛י חֵ֥לֶק יְהוָ֖ה עַמּ֑וֹ ס יַֽעֲקֹ֖ב חֶ֥בֶל נַֽחֲלָתֽוֹ׃ כִּ֛י חֵ֥לֶק יְהוָ֖ה עַמּ֑וֹ יַֽעֲקֹ֖ב חֶ֥בֶל נַֽחֲלָתֽוֹ׃

אֲרֵי חוּלָקָא דַּייָ. עַמֵּיהּ,  יַעֲקוֹב. עֲדַב אַחְסָנְתֵיהּ:

לב,י יִמְצָאֵ֨הוּ֙ בְּאֶ֣רֶץ מִדְבָּ֔ר ס וּבְתֹ֖הוּ יְלֵ֣ל יְשִׁמֹ֑ן יְסֹֽבְבֶ֨נְהוּ֙ יְב֣וֹנְנֵ֔הוּ ס יִצְּרֶ֖נְהוּ כְּאִישׁ֥וֹן עֵינֽוֹ׃ יִמְצָאֵ֨הוּ֙ בְּאֶ֣רֶץ מִדְבָּ֔ר וּבְתֹ֖הוּ יְלֵ֣ל יְשִׁמֹ֑ן יְסֹֽבְבֶ֨נְהוּ֙ יְב֣וֹנְנֵ֔הוּ יִצְּרֶ֖נְהוּ כְּאִישׁ֥וֹן עֵינֽוֹ׃

סוֹפֵיק צֻרְכֵּיהוֹן בַּאֲרַע מַדְבְּרָא. וּבֵית צַהְוָנָא אֲתַר דְּלֵית מַיָּא, אַשְׁרִינוּן סְחוֹר סְחוֹר לִשְׁכִינְתֵיהּ. אַלֵּיפִנּוּן פִּתְגָמֵי אוֹרָיְתֵיהּ נְטַרִנּוּן. כְּבָבַת עֵינְהוֹן:

לב,יא כְּנֶ֨שֶׁר֙ יָעִ֣יר קִנּ֔וֹ עַל־גּֽוֹזָלָ֖יו יְרַחֵ֑ף ס יִפְרֹ֤שׂ כְּנָפָיו֙ יִקָּחֵ֔הוּ יִשָּׂאֵ֖הוּ עַל־אֶבְרָתֽוֹ׃ כְּנֶ֨שֶׁר֙ יָעִ֣יר קִנּ֔וֹ עַל־גּֽוֹזָלָ֖יו יְרַחֵ֑ף יִפְרֹ֤שׂ כְּנָפָיו֙ יִקָּחֵ֔הוּ יִשָּׂאֵ֖הוּ עַל־אֶבְרָתֽוֹ׃

כְּנִשְׁרָא דִּמְחִישׁ לְקִנֵּיהּ. עַל בְּנוֹהִי מִתְחָפַף, פָּרֵיס גַּדְפוֹהִי מְקַבֵּילְהוֹן. מְנַטֵּילְהוֹן עַל תְּקוֹף אֶבְרוֹהִי:

לב,יב יְהוָ֖ה בָּדָ֣ד יַנְחֶ֑נּוּ ס וְאֵ֥ין עִמּ֖וֹ אֵ֥ל נֵכָֽר׃ יְהוָ֖ה בָּדָ֣ד יַנְחֶ֑נּוּ וְאֵ֥ין עִמּ֖וֹ אֵ֥ל נֵכָֽר׃

יְיָ. בִּלְחוֹדֵיהוֹן עֲתִיד לְאַשְׁרָיוּתְהוֹן בְּעָלְמָא דְּהוּא עֲתִיד לְחַדָּתָא, וְלָא יִתְקַיַּם קֳדָמוֹהִי. פֻּלְחַן טָעֲוָן:

שלישי

לב,יג יַרְכִּבֵ֨הוּ֙ עַל־במותי (בָּ֣מֳתֵי) אָ֔רֶץ ס וַיֹּאכַ֖ל תְּנוּבֹ֣ת שָׂדָ֑י וַיֵּֽנִקֵ֤הֽוּ דְבַשׁ֙ מִסֶּ֔לַע ס וְשֶׁ֖מֶן מֵֽחַלְמִ֥ישׁ צֽוּר׃ יַרְכִּבֵ֨הוּ֙ עַל־במותי (בָּ֣מֳתֵי) אָ֔רֶץ וַיֹּאכַ֖ל תְּנוּבֹ֣ת שָׂדָ֑י וַיֵּֽנִקֵ֤הֽוּ דְבַשׁ֙ מִסֶּ֔לַע וְשֶׁ֖מֶן מֵֽחַלְמִ֥ישׁ צֽוּר׃

אַשְׁרִינוּן עַל תֻּקְפֵי אַרְעָא. וְאוֹכֵילִנּוּן בִּזַּת סָנְאֵיהוֹן, וִיהַב לְהוֹן בִּזַּת שַׁלִּיטֵי קִרְוִין. וְנִכְסֵי יָתְבֵי כַּרְכִין תַּקִּיפִין:

לב,יד חֶמְאַ֨ת בָּקָ֜ר וַֽחֲלֵ֣ב צֹ֗אן ס עִם־חֵ֨לֶב כָּרִ֜ים וְאֵילִ֤ים בְּנֵֽי־בָשָׁן֙ וְעַתּוּדִ֔ים ס עִם־חֵ֖לֶב כִּלְי֣וֹת חִטָּ֑ה וְדַם־עֵנָ֖ב תִּשְׁתֶּה־חָֽמֶר׃ ס חֶמְאַ֨ת בָּקָ֜ר וַֽחֲלֵ֣ב צֹ֗אן עִם־חֵ֨לֶב כָּרִ֜ים וְאֵילִ֤ים בְּנֵֽי־בָשָׁן֙ וְעַתּוּדִ֔ים עִם־חֵ֖לֶב כִּלְי֣וֹת חִטָּ֑ה וְדַם־עֵנָ֖ב תִּשְׁתֶּה־חָֽמֶר׃

יְהַב לְהוֹן בִּזַּת מַלְכֵיהוֹן וְשַׁלִּיטֵיהוֹן. עִם עֹתֶר רַבְרְבֵיהוֹן וְתַקִּיפֵיהוֹן. עַמָּא דַּאֲרַעְהוֹן אַחְסָנַתְהוֹן. עִם בִּזַּת חֵילֵיהוֹן וּמַשְׁרְיָתְהוֹן, וְדַם גִּבָּרֵיהוֹן. אִתְאֲשַׁד כְּמַיָּא:

לב,טו וַיִּשְׁמַ֤ן יְשֻׁרוּן֙ וַיִּבְעָ֔ט שָׁמַ֖נְתָּ עָבִ֣יתָ כָּשִׂ֑יתָ ס וַיִּטֹּשׁ֙ אֱל֣וֹהַּ עָשָׂ֔הוּ וַיְנַבֵּ֖ל צ֥וּר יְשֻֽׁעָתֽוֹ׃ ס וַיִּשְׁמַ֤ן יְשֻׁרוּן֙ וַיִּבְעָ֔ט שָׁמַ֖נְתָּ עָבִ֣יתָ כָּשִׂ֑יתָ וַיִּטֹּשׁ֙ אֱל֣וֹהַּ עָשָׂ֔הוּ וַיְנַבֵּ֖ל צ֥וּר יְשֻֽׁעָתֽוֹ׃

עֲתַר יִשְׂרָאֵל וּבְעַט. אַצְלַח תְּקוֹף קְנָא נִכְסִין, שְׁבַק פֻּלְחַן אֱלָהָא דְּעָבְדֵיהּ. וְאַרְגֵּיז קֳדָם תַּקִּיפָא פָּרְקֵיהּ:

לב,טז יַקְנִאֻ֖הוּ בְּזָרִ֑ים בְּתֽוֹעֵבֹ֖ת יַכְעִיסֻֽהוּ׃ ס יַקְנִאֻ֖הוּ בְּזָרִ֑ים בְּתֽוֹעֵבֹ֖ת יַכְעִיסֻֽהוּ׃

אַקְנִיאוּ קֳדָמוֹהִי. בְּפֻלְחַן טָעֲוָן, בְּתוֹעֵיבָתָא. אַרְגִּיזוּ קֳדָמוֹהִי:

לב,יז יִזְבְּח֗וּ לַשֵּׁדִים֙ לֹ֣א אֱלֹ֔הַּ אֱלֹהִ֖ים לֹ֣א יְדָע֑וּם ס חֲדָשִׁים֙ מִקָּרֹ֣ב בָּ֔אוּ לֹ֥א שְׂעָר֖וּם אֲבֹֽתֵיכֶֽם׃ ס יִזְבְּח֗וּ לַשֵּׁדִים֙ לֹ֣א אֱלֹ֔הַּ אֱלֹהִ֖ים לֹ֣א יְדָע֑וּם חֲדָשִׁים֙ מִקָּרֹ֣ב בָּ֔אוּ לֹ֥א שְׂעָר֖וּם אֲבֹֽתֵיכֶֽם׃

דַּבַּחוּ. לְשֵׁידִין דְּלֵית בְּהוֹן צְרוֹךְ דַּחְלָן. דְּלָא יְדַעוּנִין, חֲדַתָּן דְּמִקָּרִיב אִתְעֲבִידָא. דְּלָא אִתְעַסַּקוּ בְּהוֹן אֲבָהָתְכוֹן:

לב,יח צ֥וּר יְלָֽדְךָ֖ תֶּ֑שִׁי וַתִּשְׁכַּ֖ח אֵ֥ל מְחֹֽלְלֶֽךָ׃ ס צ֥וּר יְלָֽדְךָ֖ תֶּ֑שִׁי וַתִּשְׁכַּ֖ח אֵ֥ל מְחֹֽלְלֶֽךָ׃

דַּחְלַת תַּקִּיפָא דִּי בְּרָאָךְ. אִתְנְשִׁיתָא, שְׁבַקְתָּא. פֻּלְחַן אֱלָהָא דְּעָבְדָךְ:

רביעי

לב,יט וַיַּ֥רְא יְהוָ֖ה וַיִּנְאָ֑ץ מִכַּ֥עַס בָּנָ֖יו וּבְנֹתָֽיו׃ ס וַיַּ֥רְא יְהוָ֖ה וַיִּנְאָ֑ץ מִכַּ֥עַס בָּנָ֖יו וּבְנֹתָֽיו׃

וּגְלֵי קֳדָם יְיָ. וּתְקֵיף רֻגְזֵיהּ. מִדְּאַרְגִּיזוּ קֳדָמוֹהִי בְּנִין. וּבְנָן:

לב,כ וַיֹּ֗אמֶר אַסְתִּ֤ירָה פָנַי֙ מֵהֶ֔ם אֶרְאֶ֖ה מָ֣ה אַֽחֲרִיתָ֑ם ס כִּ֣י ד֤וֹר תַּהְפֻּכֹת֙ הֵ֔מָּה בָּנִ֖ים לֹֽא־אֵמֻ֥ן בָּֽם׃ ס וַיֹּ֗אמֶר אַסְתִּ֤ירָה פָנַי֙ מֵהֶ֔ם אֶרְאֶ֖ה מָ֣ה אַֽחֲרִיתָ֑ם כִּ֣י ד֤וֹר תַּהְפֻּכֹת֙ הֵ֔מָּה בָּנִ֖ים לֹֽא־אֵמֻ֥ן בָּֽם׃

וַאֲמַר. אֲסַלֵּיק שְׁכִינְתִי מִנְּהוֹן גְּלֵי קֳדָמַי. מָא יְהֵי בְּסוֹפְהוֹן,  אֲרֵי דָּרָא דְּאַשְׁנִי אִנּוּן. בְּנַיָּא דְּלֵית בְּהוֹן הֵימָנוּ:

לב,כא הֵ֚ם קִנְא֣וּנִי בְלֹא־אֵ֔ל כִּֽעֲס֖וּנִי בְּהַבְלֵיהֶ֑ם ס וַֽאֲנִי֙ אַקְנִיאֵ֣ם בְּלֹא־עָ֔ם בְּג֥וֹי נָבָ֖ל אַכְעִיסֵֽם׃ ס הֵ֚ם קִנְא֣וּנִי בְלֹא־אֵ֔ל כִּֽעֲס֖וּנִי בְּהַבְלֵיהֶ֑ם וַֽאֲנִי֙ אַקְנִיאֵ֣ם בְּלֹא־עָ֔ם בְּג֥וֹי נָבָ֖ל אַכְעִיסֵֽם׃

אִנּוּן אַקְנִיאוּ קֳדָמַי בְּלָא דַּחְלָא. אַרְגִּיזוּ קֳדָמַי בְּטָעֲוָתְהוֹן, וַאֲנָא אַקְנֵינוּן בְּלָא עַם. בְּעַמָּא טַפְשָׁא אַרְגֵּיזִנּוּן:

לב,כב כִּי־אֵשׁ֙ קָֽדְחָ֣ה בְאַפִּ֔י וַתִּיקַ֖ד עַד־שְׁא֣וֹל תַּחְתִּ֑ית ס וַתֹּ֤אכַל אֶ֨רֶץ֙ וִֽיבֻלָ֔הּ וַתְּלַהֵ֖ט מֽוֹסְדֵ֥י הָרִֽים׃ ס כִּי־אֵשׁ֙ קָֽדְחָ֣ה בְאַפִּ֔י וַתִּיקַ֖ד עַד־שְׁא֣וֹל תַּחְתִּ֑ית וַתֹּ֤אכַל אֶ֨רֶץ֙ וִֽיבֻלָ֔הּ וַתְּלַהֵ֖ט מֽוֹסְדֵ֥י הָרִֽים׃

אֲרֵי קִדּוּם תַּקִּיף כְּאִישָׁא נְפַק מִן קֳדָמַי בִּרְגַז. שֵׁיצִי עַד שְׁאוֹל אַרְעָיְתָא, אֲסִיף אַרְעָא וַעֲלַלְתַּהּ. שֵׁיצִי עַד סְיָפֵי טוּרַיָּא:

לב,כג אַסְפֶּ֥ה עָלֵ֖ימוֹ רָע֑וֹת חִצַּ֖י אֲכַלֶּה־בָּֽם׃ ס אַסְפֶּ֥ה עָלֵ֖ימוֹ רָע֑וֹת חִצַּ֖י אֲכַלֶּה־בָּֽם׃

אֲסִיף עֲלֵיהוֹן. בִּישָׁן, מַכְתָּשַׁי. אֲשֵׁיצֵי בְּהוֹן:

לב,כד מְזֵ֥י רָעָ֛ב וּלְחֻ֥מֵי רֶ֖שֶׁף וְקֶ֣טֶב מְרִירִ֑י ס וְשֶׁן־בְּהֵמֹת֙ אֲשַׁלַּח־בָּ֔ם עִם־חֲמַ֖ת זֹֽחֲלֵ֥י עָפָֽר׃ ס מְזֵ֥י רָעָ֛ב וּלְחֻ֥מֵי רֶ֖שֶׁף וְקֶ֣טֶב מְרִירִ֑י וְשֶׁן־בְּהֵמֹת֙ אֲשַׁלַּח־בָּ֔ם עִם־חֲמַ֖ת זֹֽחֲלֵ֥י עָפָֽר׃

נְפִיחֵי כְּפַן וַאֲכִילֵי עוּף. וּכְתִישֵׁי רוּחִין בִּישִׁין, וְשֶׁן חַיַּת בָּרָא. אֲגָרֵי בְּהוֹן. עִם חֲמַת. תַּנִּינַיָּא דְּזָחֲלִין בְּעַפְרָא:

לב,כה מִחוּץ֙ תְּשַׁכֶּל־חֶ֔רֶב וּמֵֽחֲדָרִ֖ים אֵימָ֑ה גַּם־בָּחוּר֙ גַּם־בְּתוּלָ֔ה יוֹנֵ֖ק עִם־אִ֥ישׁ שֵׂיבָֽה׃ ס מִחוּץ֙ תְּשַׁכֶּל־חֶ֔רֶב וּמֵֽחֲדָרִ֖ים אֵימָ֑ה גַּם־בָּחוּר֙ גַּם־בְּתוּלָ֔ה יוֹנֵ֖ק עִם־אִ֥ישׁ שֵׂיבָֽה׃

מִבַּרָא. תַּתְכֵּיל חַרְבָּא. וּמִתַּוָּנַיָּא. חַרְגַּת מוֹתָא, אַף עוּלֵימֵיהוֹן. אַף עוּלֵימָתְהוֹן יָנְקֵיהוֹן. עִם סָבֵיהוֹן:

לב,כו אָמַ֖רְתִּי אַפְאֵיהֶ֑ם אַשְׁבִּ֥יתָה מֵֽאֱנ֖וֹשׁ זִכְרָֽם׃ ס אָמַ֖רְתִּי אַפְאֵיהֶ֑ם אַשְׁבִּ֥יתָה מֵֽאֱנ֖וֹשׁ זִכְרָֽם׃

אֲמַרִית. יְחוּל רֻגְזִי עֲלֵיהוֹן וַאֲשֵׁיצֵינוּן, אֲבַטֵּיל מִן בְּנֵי אֲנָשָׁא. דֻּכְרָנְהוֹן:

לב,כז לוּלֵ֗י כַּ֤עַס אוֹיֵב֙ אָג֔וּר פֶּֽן־יְנַכְּר֖וּ צָרֵ֑ימוֹ ס פֶּן־יֹֽאמְרוּ֙ יָדֵ֣נוּ רָ֔מָה וְלֹ֥א יְהוָ֖ה פָּעַ֥ל כָּל־זֹֽאת׃ ס לוּלֵ֗י כַּ֤עַס אוֹיֵב֙ אָג֔וּר פֶּֽן־יְנַכְּר֖וּ צָרֵ֑ימוֹ פֶּן־יֹֽאמְרוּ֙ יָדֵ֣נוּ רָ֔מָה וְלֹ֥א יְהוָ֖ה פָּעַ֥ל כָּל־זֹֽאת׃

אִלּוּ לָא פּוֹן. רֻגְזָא דְּסָנְאָה כְּנִישׁ דִּלְמָא יִתְרָרַב. בְּעֵיל דְּבָבָא,  דִּלְמָא יֵימְרוּן יְדַנָא תְּקֵיפַת לַנָא. וְלָא מִן קֳדָם יְיָ הֲוָת כָּל דָּא:

לב,כח כִּי־ג֛וֹי אֹבַ֥ד עֵצ֖וֹת הֵ֑מָּה וְאֵ֥ין בָּהֶ֖ם תְּבוּנָֽה׃ ס כִּי־ג֛וֹי אֹבַ֥ד עֵצ֖וֹת הֵ֑מָּה וְאֵ֥ין בָּהֶ֖ם תְּבוּנָֽה׃

אֲרֵי עַם מְאַבְּדֵי עֵיצָא. אִנּוּן, וְלֵית בְּהוֹן. סֻכְלְתָנוּ:

חמישי

לב,כט ל֥וּ חָֽכְמ֖וּ יַשְׂכִּ֣ילוּ זֹ֑את יָבִ֖ינוּ לְאַֽחֲרִיתָֽם׃ ס ל֥וּ חָֽכְמ֖וּ יַשְׂכִּ֣ילוּ זֹ֑את יָבִ֖ינוּ לְאַֽחֲרִיתָֽם׃

אִלּוּ חֲכִימוּ. אִסְתַּכַּלוּ בְּדָא, סַבַּרוּ. מָא יְהֵי בְּסוֹפְהוֹן:

לב,ל אֵיכָ֞ה יִרְדֹּ֤ף אֶחָד֙ אֶ֔לֶף וּשְׁנַ֖יִם יָנִ֣יסוּ רְבָבָ֑ה ס אִם־לֹא֙ כִּֽי־צוּרָ֣ם מְכָרָ֔ם וַֽיהוָ֖ה הִסְגִּירָֽם׃ ס אֵיכָ֞ה יִרְדֹּ֤ף אֶחָד֙ אֶ֔לֶף וּשְׁנַ֖יִם יָנִ֣יסוּ רְבָבָ֑ה אִם־לֹא֙ כִּֽי־צוּרָ֣ם מְכָרָ֔ם וַֽיהוָ֖ה הִסְגִּירָֽם׃

אֵיכְדֵין יִרְדּוֹף חַד. לְאַלְפָא. וּתְרֵין. יְעָרְקוּן לְרִבּוֹתָא,  אֱלָהֵין תַּקִּיפְהוֹן מְסַרִנּוּן. וַייָ אַשְׁלֵימִנּוּן:

לב,לא כִּ֛י לֹ֥א כְצוּרֵ֖נוּ צוּרָ֑ם וְאֹֽיְבֵ֖ינוּ פְּלִילִֽים׃ ס כִּ֛י לֹ֥א כְצוּרֵ֖נוּ צוּרָ֑ם וְאֹֽיְבֵ֖ינוּ פְּלִילִֽים׃

אֲרֵי לָא כְּתֻקְפַנָא. תֻּקְפְהוֹן, וּבַעֲלֵי דְּבָבַנָא. הֲווֹ דַּיָּנַנָא:

לב,לב כִּֽי־מִגֶּ֤פֶן סְדֹם֙ גַּפְנָ֔ם וּמִשַּׁדְמֹ֖ת עֲמֹרָ֑ה ס עֲנָבֵ֨מוֹ֙ עִנְּבֵי־ר֔וֹשׁ אַשְׁכְּלֹ֥ת מְרֹרֹ֖ת לָֽמוֹ׃ ס כִּֽי־מִגֶּ֤פֶן סְדֹם֙ גַּפְנָ֔ם וּמִשַּׁדְמֹ֖ת עֲמֹרָ֑ה עֲנָבֵ֨מוֹ֙ עִנְּבֵי־ר֔וֹשׁ אַשְׁכְּלֹ֥ת מְרֹרֹ֖ת לָֽמוֹ׃

אֲרֵי כְּפֻרְעָנוּת עַמָּא דִּסְדוֹם כָּס פֻּרְעָנוּתְהוֹן. וְלָקוּתְהוֹן כְּעַם עֲמוֹרָה,  מַחָתְהוֹן. בִּישָׁן כְּרֵישֵׁי חִוִּין וְתֻשְׁלְמַת עוֹבָדֵיהוֹן. כִּמְרָרוּתְהוֹן:

לב,לג חֲמַ֥ת תַּנִּינִ֖ם יֵינָ֑ם וְרֹ֥אשׁ פְּתָנִ֖ים אַכְזָֽר׃ ס חֲמַ֥ת תַּנִּינִ֖ם יֵינָ֑ם וְרֹ֥אשׁ פְּתָנִ֖ים אַכְזָֽר׃

הָא כְּמִרַּת תַּנִּינַיָּא. כָּס פֻּרְעָנוּתְהוֹן, וּכְרֵישׁ פִּתְנֵי חִוִּין. אַכְזְרָאִין:

לב,לד הֲלֹא־ה֖וּא כָּמֻ֣ס עִמָּדִ֑י חָת֖וּם בְּאֽוֹצְרֹתָֽי׃ ס הֲלֹא־ה֖וּא כָּמֻ֣ס עִמָּדִ֑י חָת֖וּם בְּאֽוֹצְרֹתָֽי׃

הֲלָא כָּל עוֹבָדֵיהוֹן. גְּלַן קֳדָמַי, גְּנִיזִין. לְיוֹם דִּינָא בְּאוֹצְרָי:

לב,לה לִ֤י נָקָם֙ וְשִׁלֵּ֔ם לְעֵ֖ת תָּמ֣וּט רַגְלָ֑ם ס כִּ֤י קָרוֹב֙ י֣וֹם אֵידָ֔ם וְחָ֖שׁ עֲתִדֹ֥ת לָֽמוֹ׃ ס לִ֤י נָקָם֙ וְשִׁלֵּ֔ם לְעֵ֖ת תָּמ֣וּט רַגְלָ֑ם כִּ֤י קָרוֹב֙ י֣וֹם אֵידָ֔ם וְחָ֖שׁ עֲתִדֹ֥ת לָֽמוֹ׃

קֳדָמַי פֻּרְעָנוּתָא וַאֲנָא אֲשַׁלֵּים. בְּעִדָּן דְּיִגְלוֹן מֵאֲרַעְהוֹן,  אֲרֵי קָרִיב יוֹם תְּבָרְהוֹן. וּמַבַּע דַּעֲתִיד לְהוֹן:

לב,לו כִּֽי־יָדִ֤ין יְהוָה֙ עַמּ֔וֹ וְעַל־עֲבָדָ֖יו יִתְנֶחָ֑ם ס כִּ֤י יִרְאֶה֙ כִּֽי־אָ֣זְלַת יָ֔ד וְאֶ֖פֶס עָצ֥וּר וְעָזֽוּב׃ ס כִּֽי־יָדִ֤ין יְהוָה֙ עַמּ֔וֹ וְעַל־עֲבָדָ֖יו יִתְנֶחָ֑ם כִּ֤י יִרְאֶה֙ כִּֽי־אָ֣זְלַת יָ֔ד וְאֶ֖פֶס עָצ֥וּר וְעָזֽוּב׃

אֲרֵי יְדִין יְיָ דִּינָא דְּעַמֵּיהּ. וּפֻרְעָנוּת עַבְדּוֹהִי צַדִּיקַיָּא יִתְפְּרַע,  אֲרֵי גְּלֵי קֳדָמוֹהִי דִּבְעִדָּן דְּתִתַּקַּף עֲלֵיהוֹן מַחַת סָנְאָה. יְהוֹן מְטֻלְטְלִין וּשְׁבִיקִין:

לב,לז וְאָמַ֖ר אֵ֣י אֱלֹהֵ֑ימוֹ צ֖וּר חָסָ֥יוּ בֽוֹ׃ ס וְאָמַ֖ר אֵ֣י אֱלֹהֵ֑ימוֹ צ֖וּר חָסָ֥יוּ בֽוֹ׃

וְיֵימַר. אָן דַּחְלַתְהוֹן תַּקִּיפָא. דַּהֲווֹ רְחִיצִין בֵּיהּ:

לב,לח אֲשֶׁ֨ר חֵ֤לֶב זְבָחֵ֨ימוֹ֙ יֹאכֵ֔לוּ יִשְׁתּ֖וּ יֵ֣ין נְסִיכָ֑ם ס יָק֨וּמוּ֙ וְיַעְזְרֻכֶ֔ם יְהִ֥י עֲלֵיכֶ֖ם סִתְרָֽה׃ ס אֲשֶׁ֨ר חֵ֤לֶב זְבָחֵ֨ימוֹ֙ יֹאכֵ֔לוּ יִשְׁתּ֖וּ יֵ֣ין נְסִיכָ֑ם יָק֨וּמוּ֙ וְיַעְזְרֻכֶ֔ם יְהִ֥י עֲלֵיכֶ֖ם סִתְרָֽה׃

דִּתְרַב נִכְסַתְהוֹן הֲווֹ אָכְלִין. שָׁתַן חֲמַר נִסְכֵּיהוֹן, יְקוּמוּן כְּעַן. וִיסַעֲדוּנְכוֹן יְהוֹן עֲלֵיכוֹן. לְמַגִּין:

לב,לט רְא֣וּ ׀ עַתָּ֗ה כִּ֣י אֲנִ֤י אֲנִי֙ ה֔וּא וְאֵ֥ין אֱלֹהִ֖ים עִמָּדִ֑י ס אֲנִ֧י אָמִ֣ית וַֽאֲחַיֶּ֗ה מָחַ֨צְתִּי֙ וַֽאֲנִ֣י אֶרְפָּ֔א ס וְאֵ֥ין מִיָּדִ֖י מַצִּֽיל׃ רְא֣וּ ׀ עַתָּ֗ה כִּ֣י אֲנִ֤י אֲנִי֙ ה֔וּא וְאֵ֥ין אֱלֹהִ֖ים עִמָּדִ֑י אֲנִ֧י אָמִ֣ית וַֽאֲחַיֶּ֗ה מָחַ֨צְתִּי֙ וַֽאֲנִ֣י אֶרְפָּ֔א וְאֵ֥ין מִיָּדִ֖י מַצִּֽיל׃

חֲזוֹ כְּעַן. דַּאֲנָא אֲנָא הוּא. וְלֵית אֱלָהּ. בָּר מִנִּי,  אֲנָא מְמִית וּמֵיחֵי. מְחֵינָא וְאַף מַסֵּינָא. וְלֵית מִן יְדִי. מְשֵׁיזֵיב:

שישי

לב,מ כִּֽי־אֶשָּׂ֥א אֶל־שָׁמַ֖יִם יָדִ֑י ס וְאָמַ֕רְתִּי חַ֥י אָֽנֹכִ֖י לְעֹלָֽם׃ כִּֽי־אֶשָּׂ֥א אֶל־שָׁמַ֖יִם יָדִ֑י וְאָמַ֕רְתִּי חַ֥י אָֽנֹכִ֖י לְעֹלָֽם׃

אֲרֵי אַתְקֵינִית בִּשְׁמַיָּא. בֵּית שְׁכִינְתִי, וַאֲמַרִית. קַיָּם אֲנָא לְעָלְמִין:

לב,מא אִם־שַׁנּוֹתִי֙ בְּרַ֣ק חַרְבִּ֔י ס וְתֹאחֵ֥ז בְּמִשְׁפָּ֖ט יָדִ֑י אָשִׁ֤יב נָקָם֙ לְצָרָ֔י ס וְלִמְשַׂנְאַ֖י אֲשַׁלֵּֽם׃ אִם־שַׁנּוֹתִי֙ בְּרַ֣ק חַרְבִּ֔י וְתֹאחֵ֥ז בְּמִשְׁפָּ֖ט יָדִ֑י אָשִׁ֤יב נָקָם֙ לְצָרָ֔י וְלִמְשַׂנְאַ֖י אֲשַׁלֵּֽם׃

אִם עַל חַד תְּרֵין כְּחֵיזוּ בַּרְקָא מִסּוֹף שְׁמַיָּא וְעַד סוֹף שְׁמַיָּא תִּתְגְּלֵי חַרְבִּי. וְתִתַּקַּף בְּדִינָא יְדִי, אֲתִיב פֻּרְעָנוּתָא לְסָנְאַי. וּלְבַעֲלֵי דְּבָבַי אֲשַׁלֵּים:

לב,מב אַשְׁכִּ֤יר חִצַּי֙ מִדָּ֔ם ס וְחַרְבִּ֖י תֹּאכַ֣ל בָּשָׂ֑ר מִדַּ֤ם חָלָל֙ וְשִׁבְיָ֔ה ס מֵרֹ֖אשׁ פַּרְע֥וֹת אוֹיֵֽב׃ אַשְׁכִּ֤יר חִצַּי֙ מִדָּ֔ם וְחַרְבִּ֖י תֹּאכַ֣ל בָּשָׂ֑ר מִדַּ֤ם חָלָל֙ וְשִׁבְיָ֔ה מֵרֹ֖אשׁ פַּרְע֥וֹת אוֹיֵֽב׃

אֲרַוֵּי גִּרַּי מִדְּמָא. וְחַרְבִּי תְּקַטֵּיל בְּעַמְמַיָּא, מִדַּם קְטִילִין וּשְׁבַן. לְאַעְדָּאָה כִּתְרִין מֵרֵישׁ סָנְאָה וּבְעֵיל דְּבָבָא:

לב,מג הַרְנִ֤ינוּ גוֹיִם֙ עַמּ֔וֹ ס כִּ֥י דַם־עֲבָדָ֖יו יִקּ֑וֹם וְנָקָם֙ יָשִׁ֣יב לְצָרָ֔יו ס וְכִפֶּ֥ר אַדְמָת֖וֹ עַמּֽוֹ׃ חזק הַרְנִ֤ינוּ גוֹיִם֙ עַמּ֔וֹ כִּ֥י דַם־עֲבָדָ֖יו יִקּ֑וֹם וְנָקָם֙ יָשִׁ֣יב לְצָרָ֔יו וְכִפֶּ֥ר אַדְמָת֖וֹ עַמּֽוֹ׃

שַׁבַּחוּ עַמְמַיָּא עַמֵּיהּ. אֲרֵי פֻּרְעָנוּת עַבְדּוֹהִי צַדִּיקַיָּא יִתְפְּרַע, וּפֻרְעָנוּתָא יָתִיב לְסָנְאוֹהִי. וִיכַפַּר עַל אַרְעֵיהּ וְעַל עַמֵּיהּ:   חזק

שביעי

לב,מד וַיָּבֹ֣א מֹשֶׁ֗ה וַיְדַבֵּ֛ר אֶת־כָּל־דִּבְרֵ֥י הַשִּׁירָֽה־הַזֹּ֖את בְּאָזְנֵ֣י הָעָ֑ם ה֖וּא וְהוֹשֵׁ֥עַ בִּן־נֽוּן׃ וַיָּבֹ֣א מֹשֶׁ֗ה וַיְדַבֵּ֛ר אֶת־כָּל־דִּבְרֵ֥י הַשִּׁירָֽה־הַזֹּ֖את בְּאָזְנֵ֣י הָעָ֑ם ה֖וּא וְהוֹשֵׁ֥עַ בִּן־נֽוּן׃

וַאֲתָא מֹשֶׁה. וּמַלֵּיל יָת כָּל פִּתְגָמֵי תֻּשְׁבַּחְתָּא הָדָא קֳדָם עַמָּא,  הוּא. וְהוֹשֵׁעַ בַּר נוּן:

לב,מה וַיְכַ֣ל מֹשֶׁ֗ה לְדַבֵּ֛ר אֶת־כָּל־הַדְּבָרִ֥ים הָאֵ֖לֶּה אֶל־כָּל־יִשְׂרָאֵֽל׃ וַיְכַ֣ל מֹשֶׁ֗ה לְדַבֵּ֛ר אֶת־כָּל־הַדְּבָרִ֥ים הָאֵ֖לֶּה אֶל־כָּל־יִשְׂרָאֵֽל׃

וְשֵׁיצֵי מֹשֶׁה. לְמַלָּלָא יָת כָּל פִּתְגָמַיָּא הָאִלֵּין עִם כָּל יִשְׂרָאֵל:

לב,מו וַיֹּ֤אמֶר אֲלֵהֶם֙ שִׂ֣ימוּ לְבַבְכֶ֔ם לְכָ֨ל־הַדְּבָרִ֔ים אֲשֶׁ֧ר אָֽנֹכִ֛י מֵעִ֥יד בָּכֶ֖ם הַיּ֑וֹם אֲשֶׁ֤ר תְּצַוֻּם֙ אֶת־בְּנֵיכֶ֔ם לִשְׁמֹ֣ר לַֽעֲשׂ֔וֹת אֶת־כָּל־דִּבְרֵ֖י הַתּוֹרָ֥ה הַזֹּֽאת׃ וַיֹּ֤אמֶר אֲלֵהֶם֙ שִׂ֣ימוּ לְבַבְכֶ֔ם לְכָ֨ל־הַדְּבָרִ֔ים אֲשֶׁ֧ר אָֽנֹכִ֛י מֵעִ֥יד בָּכֶ֖ם הַיּ֑וֹם אֲשֶׁ֤ר תְּצַוֻּם֙ אֶת־בְּנֵיכֶ֔ם לִשְׁמֹ֣ר לַֽעֲשׂ֔וֹת אֶת־כָּל־דִּבְרֵ֖י הַתּוֹרָ֥ה הַזֹּֽאת׃

וַאֲמַר לְהוֹן. שַׁוּוֹ לִבְּכוֹן. לְכָל פִּתְגָמַיָּא. דַּאֲנָא מַסְהֵיד בְּכוֹן יוֹמָא דֵּין,  דִּתְפַקְּדוּנוּנוּן. יָת בְּנֵיכוֹן. לְמִטַּר לְמֶעֱבַד. יָת כָּל פִּתְגָמֵי אוֹרָיְתָא הָדָא:

לב,מז כִּ֠י לֹֽא־דָבָ֨ר רֵ֥ק הוּא֙ מִכֶּ֔ם כִּי־ה֖וּא חַיֵּיכֶ֑ם וּבַדָּבָ֣ר הַזֶּ֗ה תַּֽאֲרִ֤יכוּ יָמִים֙ עַל־הָ֣אֲדָמָ֔ה אֲשֶׁ֨ר אַתֶּ֜ם עֹֽבְרִ֧ים אֶת־הַיַּרְדֵּ֛ן שָׁ֖מָּה לְרִשְׁתָּֽהּ׃ פ כִּ֠י לֹֽא־דָבָ֨ר רֵ֥ק הוּא֙ מִכֶּ֔ם כִּי־ה֖וּא חַיֵּיכֶ֑ם וּבַדָּבָ֣ר הַזֶּ֗ה תַּֽאֲרִ֤יכוּ יָמִים֙ עַל־הָ֣אֲדָמָ֔ה אֲשֶׁ֨ר אַתֶּ֜ם עֹֽבְרִ֧ים אֶת־הַיַּרְדֵּ֛ן שָׁ֖מָּה לְרִשְׁתָּֽהּ׃

אֲרֵי לָא פִּתְגָם רֵיקָן הוּא. מִנְּכוֹן אֲרֵי הוּא. חַיֵּיכוֹן, וּבְפִתְגָמָא הָדֵין. תֵּירְכוּן יוֹמִין עַל אַרְעָא. דְּאַתּוּן עָבְרִין יָת יַרְדְּנָא לְתַמָּן. לְמֵירְתַהּ: פ

מפטיר

לב,מח וַיְדַבֵּ֤ר יְהוָה֙ אֶל־מֹשֶׁ֔ה בְּעֶ֛צֶם הַיּ֥וֹם הַזֶּ֖ה לֵאמֹֽר׃ וַיְדַבֵּ֤ר יְהוָה֙ אֶל־מֹשֶׁ֔ה בְּעֶ֛צֶם הַיּ֥וֹם הַזֶּ֖ה לֵאמֹֽר׃

וּמַלֵּיל יְיָ עִם מֹשֶׁה. בִּכְרַן יוֹמָא הָדֵין לְמֵימַר:

לב,מט עֲלֵ֡ה אֶל־הַר֩ הָֽעֲבָרִ֨ים הַזֶּ֜ה הַר־נְב֗וֹ אֲשֶׁר֙ בְּאֶ֣רֶץ מוֹאָ֔ב אֲשֶׁ֖ר עַל־פְּנֵ֣י יְרֵח֑וֹ וּרְאֵה֙ אֶת־אֶ֣רֶץ כְּנַ֔עַן אֲשֶׁ֨ר אֲנִ֥י נֹתֵ֛ן לִבְנֵ֥י יִשְׂרָאֵ֖ל לַֽאֲחֻזָּֽה׃ עֲלֵ֡ה אֶל־הַר֩ הָֽעֲבָרִ֨ים הַזֶּ֜ה הַר־נְב֗וֹ אֲשֶׁר֙ בְּאֶ֣רֶץ מוֹאָ֔ב אֲשֶׁ֖ר עַל־פְּנֵ֣י יְרֵח֑וֹ וּרְאֵה֙ אֶת־אֶ֣רֶץ כְּנַ֔עַן אֲשֶׁ֨ר אֲנִ֥י נֹתֵ֛ן לִבְנֵ֥י יִשְׂרָאֵ֖ל לַֽאֲחֻזָּֽה׃

סַק לְטוּרָא דְּעִבְרָאֵי הָדֵין לְטוּרָא דִּנְבוֹ. דִּבְאַרְעָא דְּמוֹאָב דְּעַל אַפֵּי יְרֵיחוֹ, וַחְזִי יָת אַרְעָא דִּכְנַעַן. דַּאֲנָא יָהֵיב לִבְנֵי יִשְׂרָאֵל לְאַחְסָנָא:

לב,נ וּמֻ֗ת בָּהָר֙ אֲשֶׁ֤ר אַתָּה֙ עֹלֶ֣ה שָׁ֔מָּה וְהֵֽאָסֵ֖ף אֶל־עַמֶּ֑יךָ כַּֽאֲשֶׁר־מֵ֞ת אַֽהֲרֹ֤ן אָחִ֨יךָ֙ בְּהֹ֣ר הָהָ֔ר וַיֵּאָ֖סֶף אֶל־עַמָּֽיו׃ וּמֻ֗ת בָּהָר֙ אֲשֶׁ֤ר אַתָּה֙ עֹלֶ֣ה שָׁ֔מָּה וְהֵֽאָסֵ֖ף אֶל־עַמֶּ֑יךָ כַּֽאֲשֶׁר־מֵ֞ת אַֽהֲרֹ֤ן אָחִ֨יךָ֙ בְּהֹ֣ר הָהָ֔ר וַיֵּאָ֖סֶף אֶל־עַמָּֽיו׃

וּמוּת. בְּטוּרָא דְּאַתְּ סָלֵיק לְתַמָּן. וְאִתְכְּנֵישׁ. לְעַמָּךְ,  כְּמָא דְּמִית אַהֲרוֹן אֲחוּךְ. בְּהוֹר טוּרָא. וְאִתְכְּנֵישׁ. לְעַמֵּיהּ:

לב,נא עַל֩ אֲשֶׁ֨ר מְעַלְתֶּ֜ם בִּ֗י בְּתוֹךְ֙ בְּנֵ֣י יִשְׂרָאֵ֔ל בְּמֵֽי־מְרִיבַ֥ת קָדֵ֖שׁ מִדְבַּר־צִ֑ן עַ֣ל אֲשֶׁ֤ר לֹֽא־קִדַּשְׁתֶּם֙ אוֹתִ֔י בְּת֖וֹךְ בְּנֵ֥י יִשְׂרָאֵֽל׃ עַל֩ אֲשֶׁ֨ר מְעַלְתֶּ֜ם בִּ֗י בְּתוֹךְ֙ בְּנֵ֣י יִשְׂרָאֵ֔ל בְּמֵֽי־מְרִיבַ֥ת קָדֵ֖שׁ מִדְבַּר־צִ֑ן עַ֣ל אֲשֶׁ֤ר לֹֽא־קִדַּשְׁתֶּם֙ אוֹתִ֔י בְּת֖וֹךְ בְּנֵ֥י יִשְׂרָאֵֽל׃

עַל דְּשַׁקַּרְתּוּן בְּמֵימְרִי. בְּגוֹ בְּנֵי יִשְׂרָאֵל. בְּמֵי מַצּוּת רְקַם. מַדְבְּרָא דְּצִין עַל דְּלָא קַדִּישְׁתּוּן יָתִי. בְּגוֹ בְּנֵי יִשְׂרָאֵל:

לב,נב כִּ֥י מִנֶּ֖גֶד תִּרְאֶ֣ה אֶת־הָאָ֑רֶץ וְשָׁ֨מָּה֙ לֹ֣א תָב֔וֹא אֶל־הָאָ֕רֶץ אֲשֶׁר־אֲנִ֥י נֹתֵ֖ן לִבְנֵ֥י יִשְׂרָאֵֽל׃ פ כִּ֥י מִנֶּ֖גֶד תִּרְאֶ֣ה אֶת־הָאָ֑רֶץ וְשָׁ֨מָּה֙ לֹ֣א תָב֔וֹא אֶל־הָאָ֕רֶץ אֲשֶׁר־אֲנִ֥י נֹתֵ֖ן לִבְנֵ֥י יִשְׂרָאֵֽל׃

אֲרֵי מִקֳּבֵיל. תִּחְזֵי יָת אַרְעָא, וּלְתַמָּן. לָא תֵּיעוֹל לְאַרְעָא. דַּאֲנָא יָהֵיב לִבְנֵי יִשְׂרָאֵל: פ